1. التطبيق بيفتح على تمرين النهارده لوحده: السبت Push، الأحد Pull، الاتنين Legs، الأربع Upper، الخميس Lower. التلات والجمعة راحة.
2. اضغط «سجّل أوزانك» واكتب الوزن والعدات لكل مجموعة. أرقام آخر مرة بتظهر جوه الخانات، وتحتها سجل آخر 4 مرات.
3. المدرب بيقرا آخر مرة ويقولك تعمل إيه: «زوّد» لو كل المجموعات وصلت لأعلى رقم في المدى، «ثبّت» لو لسه، و«نزّل» حوالي 10% لو نزلت تحت أقل رقم مرتين ورا بعض. الزيادة 2.5 كجم للبار والسميث، و2 للدمبلز، و5 للكابل والمكن، وتقدر تغيّرها من القلم.
4. تايمر الراحة بيبدأ لوحده لما تكتب عدات مجموعة، أو من زرار الساعة جنبها: دقيقتين ونص للتمارين المركبة ودقيقة ونص للعزل. بيصفّر لما يخلص.
5. بعد مرتين تسجيل لنفس التمرين، هتلاقي رسم لأتقل وزن رفعته جوه «سجّل أوزانك»، ورسم لإجمالي الحمل لليوم كله تحت الملخص.
6. لما تحفظ الأوزان، التمرين بيتعلّم إنه خلص. وتقدر تعلّمه بإيدك من الدايرة اللي جنب اسمه.
7. «الفيديو» بيشغّل شرح الحركة (أقل من دقيقة). والقلم بيعدّل الاسم والمجموعات والعدات والتصنيف S أو A.

على الآيفون: افتح الرابط في Safari، وبعدين مشاركة ← إضافة إلى الشاشة الرئيسية. الشكل الغامق بيشتغل لوحده مع إعدادات الآيفون.

البيانات مش بتتزامن بين الأجهزة، ومسح بيانات المتصفح بيمسحها. استخدم «احفظ نسخة احتياطية» واحفظها على iCloud Drive.